විශේෂයෙන්ම නිවෙස් ඉදිරිපිට ඇති පලබර ගස්වල ගෙඩි අකලට කුණුවීමෙන් පැලී වැටීමෙන්, වගාවන් විනාශ වී යා හැක. අනපේක්ෂිත මෙබඳු කරුණු සඳහා විශේෂයෙන්ම ඇස් වහ කටවහ දෝෂ බලපායි.
මනා පෙනුමැති දරුවන්ට, අධ්‍යාපන කටයුතුවලට දක්ෂ දරුවන්ට, විශේෂ දක්ෂතා ඇති දරුවන්ට මෙම ඇස්වහ කටහව දෝෂවලින් සිදුවනුයේ බරපතළ හානියකි.
මෙබඳු අවස්ථාවන්වලදී ඇස්වහ කටවහ දෝෂ ඇතැයි සැක කරන විට ඒ සඳහා කළ හැකි සාර්ථකම ප්‍රතිකර්මය වන්නේ ඇස්වහ කටවහ දෝෂ සඳහා වතුර මැතිරීම.
මේ සඳහා අවශ්‍ය මන්ත්‍ර හා වත්පිළිවෙත් මේ ලිපියෙන් ඔබට ලබා දෙන අතර මස් මාංශ අනුභවයෙන් වැළකී, බ්‍රහ්මචාරීව සිට මෙම ප්‍රතිකර්ම කරන්නේ නම් ලැබෙන ප්‍රථිපල අතිවිශිෂ්ට වනු ඇත.
වතුර මැතිරීම සඳහා ලබා ගන්නා ජලය ඒ සඳහාම කුඩා ළිඳක් හාරා එම ළිඳට සතුන්ට ලං වීමට නොහැකි පරිදි ලෑලි දමා පස්වලින් වසා තබා ඉරිදා දින උදයේ කපුටා හඬන්නට පෙර නැවුම් කලයකට වතුර පුරවා ගත යුතු වේ. මේ අයුරින් විශේෂයෙන් සකස් කළ ළිඳකින්ම වතුර ගත හැකි නම් ඉතා වැදගත් වේ.
කපුටා හඬන්නට පෙර ලබාගත් මෙම ජලය පිරී කලය සුදු රෙද්දක් එලූ මේසයක් මත තබා ගන්න. නැවුම් කලය යනු අලුත් කලයයි.
මෙම වතුර කලයට කපු ඇට, වී, දර අඟුරු යන ද්‍රව්‍ය ස්වල්පයක් දමා කොළ 07 ක දෙහි අත්තකින් 108 වර පහත මන්ත්‍රයෙන් මතුරන්න. අබ දැමූ සාම්බ්‍රානිවලින් දුම් අල්ලන්න.
මතුරා ගත් ජලයෙන් තුන් වරුවක් මුහුණ සේදීමෙන්, ඇස්වහ, කටවහ, දෝෂවලින් බිබිළ සෑදී ඇත්නම් එම බිබිලි සේදීමෙන් සුවය ලැබෙනු ඇත.
ගසකට හෝ වගාවකට නම් ගසට හෝ වගාවට ජලය ඉසින්න.
ඕං ගංගා මුනමනි සරස්වතී චෝර සෝර ජදරීය මුවන මායාකාරී චර චේරේ පචජිම පරකූර කීරනගත පරම මන්ත්‍ර ඊශ්වර මේ වාව:
ප්‍රවීණ ජ්‍යෝතිෂවේදී
කිරින්දේ ඩී. ඒ. වික්‍රමසිංහ
0 comments:
Post a Comment