බිරිඳ ගෙයි ගිිනි පිටට දීමත් සැමියා පිට ගිනි ගෙට ගෙන ඒමත්
විවාහය මකර කටට තල්ලු කරයි
ඔබ විවාහ වන කාලය තීරණය කළ යුත්තේ උගත් ජ්‍යොතිෂවේදියකුය. විවාහ වී ඉතා ස්වල්ප කලකින් වෙන්වී යන අය දිනෙන් දින වැඩිවන බව අපට පෙනේ. උගත්කම,රූපය,ලැබෙන දෑවැද්ද ආදිය සලකා විවාහ ජීවිතයට පා තබන අයද සිටිති. ප්‍රිය කළ දේ ලැබුණ ද බොහෝ ඉක්මනින් විවාහය එපා වන අයද සිටිති.ඔබ උපන් වේලාව අනුව සලකා ඇති ජන්ම පත්‍රයට ප්‍රම්‍රඛ ස්ථානය දී ඔබේ දශාව ගැන බලා නියම කාලය නිවැරදිව ප්‍රකාශ කළ හැක. ජ්‍යොතිෂ විද්‍යාව අංග සම්පූර්ණව ඉගෙන නොගත් අයකු‍ට හෝ පරිගණකය‍ට මෙය විසඳිය නොහැක.
ගුරු සිකුරු බුධ හා පුර සඳුගේ කාලය මංගල්‍යය නිවැරදිව සිදුකළ හැකි බව ක්‍රිෂ්ණ මූර්ති පඬිතුමා තෝරා දී තිබේ. සඳු 6,8,12 රාශිවල ගත කරන කාලය විවාහයට සුදුසු නැත. පුර සඳු බලවත් ම කාලය ශුභය. ගුරු උච්ච,ස්වක්ෂේත්‍ර කාලය පොදුවේ බොහෝ අයට ශුභ බව පෙනේ. සිකුරු ග්‍රහයා වෘෂභ,තුලා රාශිවල ගමන් කරන කාලයද ඉතා හොඳය. වැඩි දෙනා ප්‍රිය කරන සිකුරු කන්‍යා වේ ගමන් කරන කාලය බොහෝ අවස්ථාවල විවාහ දෙදරා යන බව වර්ෂ හතරකට ආසන්න කාලයක සිට මා දැක තිබේ.
රවි තුලාවේ ගමන් කරන කාලයද ශුභ නැත. පාප ග්‍රහයන් ලෙස පිළිගත් රවි,කුජ, ශනි,රාහු,කේතු දශාගත කරන කාලය ශුභ නොවේ. ජන්ම පත්‍රයේ හත්වන රාශි අධිපති ධනු සිටින රාශිය,නැකත් පාදය හත්වැන්නේ සිටින ග්‍රහයෝ හත්වැන්නට පෙනෙන ග්‍රහයෝ සිකුරු සහ කුජ ඔබේ විවාහයේ නියම අනාගත විස්තරය පෙන්වනු ඇත.මේ ගණිත ක්‍රමයකි .ජ්‍යොතිෂවේදියා ගණිතය හා ඉංග්‍රීසි භාෂාව ඉගෙන ගෙන තිබිය යුතුය.ජ්‍යොතිෂ රහස් එවිට ඉතා පහසුවෙන් අවබෝධ කරගත හැක.
තම භාර්යාව, අසල්වාසීන් සමඟ තමන්ගේ වැරදි කතා කිරීම නිසා විවාහ ගැටලු මතුවිය හැක. මෙවැනි දේ ඇති වන්නේ තුලා රාශිය හත්වැන්න වී ආලෝක ග්‍රහයකු වන රවී එහි සිටීමෙනි. දකින හැම පිරිමියකු සමඟම නොගැලපෙන සම්බන්ධකම් ඇති කරන වනිතාව බෙරණ නැකතින් මීන ලග්නයෙන් ඉපදී ඇත. නැකැත් 27න් රෙහෙන, අද, පුෂ, මා, හත, සුවන, උත්‍රපට, රේවතී යන අට හැර වෙනත් නැකතකින් ඉපදී,ස්වාමි පුරුෂයා- භාර්යාව එක නැකතේ එකම පාදයේ නම් එම දෙදෙනාම ලිංගික වශයෙන් සතුටු නොවේ.එය දික්කසාද විමට මුල පුරයි.ඔවුන්ගේ නැකත් පාද,පූර්ව පාද පුරුෂයාට ද, අපර පාදය ස්ත්‍රියටද ඇති අවස්ථාවල කිසිම කරදරයක් නැතිව සතුටු වන බව පැරණි ජ්‍යොතිෂ විද්‍යා පොත් වල සඳහන් වේ.
හත්වැන්න සඳු හිමි කටක රාශිය වී එම රාශි අධිපති සමඟ බුධ,ගුරු,කුජ සංයෝගය ඇති ස්ත්‍රියට ස්වාමිපුරුෂයන් කිහිපදෙනකු ආශ්‍රය කළත් සෑහීමකට පත් නොවන බව පෙනේ.
කුජ-සිකුරු, රවි-සිකුරු, රාහු -සිකුරු,කුජ-චන්ද්‍ර,රාහු-චන්ද්‍ර,සඳු-සිකුරු , ශනි-රාහු,යන ග්‍රහ සංයෝග ගැන සියුම් ලෙස සලකා බලා පියවරක් නොගත් සෑම අයකුම බොහෝ කරදර වද වේදනා විඳින අවස්ථා සුලබ බව ජන්ම පත්‍ර මාවෙත රැගෙන පැමිණෙන විවාහ වූ අයගෙන් නිතර අසන්න ලැබේ. (කුජ-සිකුරු යෝගය ඇතිව ඉතා ප්‍රීතියෙන් කාලය ගත කරන වෙළඳ ව්‍යාපාරික මහතුන් කිහිපදෙනකු මා දැක තිබේ.එම ජන්ම පත්‍ර පරීක්ෂාවේදී පෙනී ගියේ කුජ සිකුරු ඔවුනොවුන් ට සම සප්තමව සිටීමෙන් හා කුජ සිටින රාශියේ අනෙක් ජන්ම පත්‍රයේ සිකුරු සිටින බවයි. අති ධාවන කාම යෝගය විවාහ නොවුනද ඇතැම් අවස්ථාවල චරිතය කෙළෙසා ගන්නා බව පෙනේ.
රවි-සිකුරු යෝගය ඇති අය ස්ත්‍රී පුරුෂයෝ බොහෝ ලස්සනය. හිත් ඇදෙන සුළුය. ලග්නාධිපති භාග්‍යාධිපති,බලවත් ගුරුගේ බැල්ම නැති අය රූපය නිසා දුක් විඳිති.
රහසිගත වැරදි ලිංගික ජීවිත ගත කරන අය සමාජයේ හැංගි හැංගි සිටිනවා ඔබ අසා ඇත. එසේ කාලය ගෙවනුයේ රාහු-සිකුරු යෝගය කේන්ද්‍රයක 6,8,12 දුෂ්ට ස්ථාන තුන‍ට හිමිකම් කියන ග්‍රහයින් ගෙන් හෝ රවි -කුජ-ශනි-කේතු යන නෛසර්ගික පාපයන්ගෙන් පීඩාවට පත්ව ලග්නාධිපති හා හත අධිපති පාප පීඩිත වූ කල ය.
ශනි-කුජ යෝගය ශනි මංග යෝගය
ශනි-කුජ යෝගය ශනි මංගල යෝගය නමින් ජ්‍යොතිෂ විද්‍යාවේ ඉගැන්වේ. මෙය අද බොහෝ දෙනා විශේෂයෙන් විදේශීය රටවලින් මගෙන් නිතර අසන ප්‍රශ්නයක් නම් 07 වන රාශියේ ශනි-කුජ ඇති අය හතේම එම ග්‍රහයින් සිටිය යුතුද යන්නයි. එය එසේ නොවේ. ශනි-මංගල යෝගය ඇති ග්‍රහයින් පාප පීඩිතව ඇති අවස්ථාව සිටිය යුතුදැයි බොහෝ දෙනා අසනු ලැබේ. එයට මෙන්න පිළිතුර කිනම් හෝ රාශියක මේ ග්‍රහයින් සිටින අවස්ථාවේ දෝෂය භංග වේ.
විවාහ ජීවිතය ප්‍රීතිය-සාමය-සතුට ඇතිව ගතකිරීමට අවශ්‍ය සෑම අයකුම තම විවාහයට පෙර උගත්-පලපුරුදු ජ්‍යොතිෂවේදියකු සමඟ තමන්ගෙ ජන්ම පත්‍රයේ ග්‍රහයින් ගැන සාකච්ඡා කරන්න.
ආචාර්ය මාගාල්ලේ
ශාන්ත දේවප්‍රිය
0 comments:
Post a Comment