පොළොවෙන් ලැබෙන වටිනාම වස්තුව ලෙස මැණික් නම් කළ හැක. එම මැණික් විවිධ වර්ණ වලින් මෙන්ම විවිධ වටිනාකම් වලින් ද යුක්තය. විවිධ වර්ගයේ වටිනා මැණික් අතර දියමන්ති මැණික හෙවත් බෙරලියන්තු මැණික ඉතා ඉහළ වටිනාකමින් යුක්තය.
ලොව පවතින මැණික් විශේෂ අතර මිලෙන් ඉහළම මැණික් වර්ගය වන්නේද දියමන්තිය. සුදු දියමන්ති හෙවත් අවර්ණ දියමන්ති ලෙස නම් දරන මේ වටිනා මැණික් විශේෂය ශ්‍රී ලංකා පොළොවෙන් නොලැබෙන එකම මැණික් විශේෂයයි. ඕස්ට්‍රේලියාව, දකුණු අප්‍රිකාව, බ්‍රසීලය වැනි රටවල් දියමන්ති හමුවන රටවල් ලෙස ප්‍රසිද්ධියක් උසුලයි.
මේ දියමන්ති මැණික සිකුරු ග්‍රහයාට අයිති මැණික් විශේෂ දෙකෙන් එකකි. සිකුරු ග්‍රහයාට අයිති අනෙක් මැණික වන්නේ සුදු නිල් මැණිකයි. සුදු දියමන්ති හෙවත් අවර්ණ දියමන්ති මැණික සිකුරු ග්‍රහයාටම ආවේණික වූවකි. අනාදිමත් කාලයක සිට යුවලකගේ මංගල මුදු සෑදීමේ දී දියමන්තියක් ඔබ්බවා සෑදීම සිදු වුණි. එසේ සෑදූ දියමන්ති මුදුවක් පැළඳීමෙන් එම යුවලට විවාහයෙන් පසු සතුට. ආදරය, ප්‍රීතිය මෙන්ම ආශාවද වර්ධනය වන බව පිළිගැනීමයි. මේ දියමන්ති මැණිකේ බලයෙන් විවාහ වු දෙ‍පළගේ කායික, මානසික ශක්තියද වර්ධනය වන බව පිළිගැනීමයි.
දියමන්ති මැණික් පැළඳීමේ ක්‍රමය ජ්‍යෙතිෂවේදීන් මෙන්ම අංක විද්‍යාවේදීන්ද අනුමත කර ඇත. එසේ වී ඇත්තේ දියමන්ති මැණික් පැළඳීම විවාහ ජීවිතය සාර්ථක කර වීමට අමතරව ජන්මියා විශාල ආර්ථික හා සමාජීය දියුණුවත් ලබාදෙන නිසාවෙනි. දියමන්ති මැණික් ගල් ඔබ්බ වූ ආභරණ පැළඳීමෙන් යාන වාහන, දේපොළ, ඉඩකඩම්, වස්තුව ආදී දේ ද බහුලව ලැබී සාර්ථක ජීවිතයක් උරුම කරයි.
දියමන්ති මැණික් පැළඳීමෙන් ලැබෙන සුබ ප්‍රතිඵල අනෙක් මැණික් පැළඳීමෙන් ලැබෙන සුබ ප්‍රතිඵල වලට වඩා ඉක්මන් වෙයි.එය දියමන්ති මැණිකේ ඇති සුවිශේෂ බවයි.
මිනිසාට සෑම අතින්ම දියුණුව සලසන මැණික ලෙස දියමන්ති මැණික ලොව පුරා විරුදාවලිය ලැබුවද එය පැළදීමේ දී බොහෝ සැලකිලිමත් විය යුතු බවද තරයේ සිත තබා ගත යුතුයි. දියමන්ති මැණික් එබ්බවූ ආබරණ පැළදීමට පෙර උත්පත්ති භාව කේන්දරය, මැණික් ප්‍රතිකර්මය සම්බන්ධ හසල දැනුමක් ඇති දක්ෂ ජ්‍යෙතිෂවේදියකු ලවා පරීක්ෂා කර ගත යුතුමය. මිල මුදල් තිබූ පමණින්ම දියමන්ති මැණික් පැළඳීම සිදු නොකරන්න.
ජන්මියාගේ උප්පත්ති භාව කේන්දරයේ සිකුරු ග්‍රහයාගේ බල දුබලතාව පරීක්ෂා කරන්න. සිකුරු ග්‍රහයා කේන්දරයේ දුබලව සතුරු හෝ භංග නොවන නීචයක වේ නම් සිකුරුට හිමිකම් කියන දියමන්ති මැණික පැළඳීමෙන් වලකින්න. යම් හෙයකින් සිකුරු‍ගේ තත්ත්වය ඉහත ආකාර වී දියමන්ති එබ්බවු ආභරණ පැළඳීමෙන් සුබඵල නොව අශුභ ඵල හිමිවනු නියතය.
උත්පත්ති භාව කේන්දරයේ සිකුරු ග්‍රහයා උච්ච , ස්වක්ෂේත්‍ර හෝ මිත්‍ර බලයෙන් වේ නම් එවැනි ජන්මීන්ට දියමන්ති මැණික් පැළඳීමෙන් ජිවිතය වාසනාවන්ත කර ගත හැක. මේ සම්බන්ධව තවදුරටත් පැහැදිලි කළහොත් සිකුරු ග්‍රහයා ජන්ම පත්‍රයේ තුලා, වෘෂභ යන රාශිවල හෝ මීන රාශියේ වේ නම් සිකුරු ග්‍රහයාගේ බලය උපරිම වශයෙන් පවතී. එවැනි ජන්මීන් දියමන්ති මැණික් පැලදීමෙන් ජිවිතය සාර්ථක වී දියුණුවෙන් දියුණුවටම පත්වනු ඇත.
භාව කේන්දරයේ සිකුරු ග්‍රහයා මේෂ, කටක, සිංහ හෝ කන්‍යා යන රාශිවල සිටීම සිකුරු ග්‍රහයාගේ බල නැත්තටම නැති වී යන්නකි. එවැනි ජන්මීන් දියමන්ති මැණික් පැළඳීම "කැලේ ඉන්න නයි ගෙට අරන් දා ගන්නවා" සේ ක්‍රියාවකි.
සිකුරු ග්‍රහයා සම්බන්ධ තවත් කරුණු බොහෝමයක් සොයා බැලිය යුතුය. සිකුරු ග්‍රහයා රවි ග්‍රහයාට ආසන්නයේ ගමන් ගන්නා බැවින් නිතර අස්ථ වීම් වලට ලක්වේ. සිකුරු ග්‍රහයා භාව කේන්දරයේ පිහිටා ඇති අංශකයට, අංක 3කින් හෝ 4කින් රවි ග්‍රහයා පිහිටයි නම් එම රවිගේ රශ්මියෙන් සිකුරු අස්ථ වී ඇත. එවිට සිකුරු දුර්වලය. එවැනි ග්‍රහ පිහිටීමත් ඇති ජන්මීන් ද දියමන්ති පැළඳීම නොකළ යුතුයි.
යම් ජන්මියෙකුගේ 22වන දෙර්කානාධිපති, 6,4 නවාංශකාධිපති හෝ බාධක ග්‍රහයා සිකුරු වේ නම් එවන් ජන්මීන්ද දියමන්ති මැණික් පැළඳීමෙන් වැලකිය යුතුයි.
ලග්න දොලසකින් යුත් රාශි චක්‍රයේ ඒ ඒ ලග්නවලට දියමන්ති මැණික් පැළදීමෙන් වන බලපෑම
මේෂ ලග්න හිමියන්ට සිකුරු ග්‍රහයා ජන්ම පත්‍රයේ බලවත්ව පිහිටා ඇත්නම්, දියමන්ති මැණික් පැළඳීමෙන් ආර්ථික දියුණුව මෙන්ම විවාහ ජීවිතයේ ප්‍රගමනය හා කල්ගත වූ විවාහ ඉක්මන් කර ගැනීමට හැකිවනු ඇත.
වෘෂභ ලග්න හිමියන්ට දියමන්ති මැණික පැළඳීමෙන් ප්‍රසිද්ධිය මෙන්ම කරන රැකි රක්ෂාවල දියුණුව හා තරඟ වලින් ජය අත්පත් වීම සිදු වේ. තම රූපයේ ප්‍රියතාවයන් ඇති කර ගැනීමට ද ලාබාල පෙනුම ගෙනදීමටද හේතු වේ.
මිථුන ලග්න හිමියන්ට දියමන්ති මැණික් පැළඳීමෙන් විවාහ වූවන්ගේ විවාහ ජීවිතයේ සතුට, සැනසීම උදාවන අතර විවාහ නොවුනවුන්ගේ ආදර සබඳකම් ශක්තිමත්වීම මෙන්ම මංගල යෝග උදාවීම ද සිදුවේ. දරුවන් පිළිසිඳ ගැනීම ද ඉක්මන් කරවයි.
ජ්‍යෙතිෂවේදීනි, මංජුලා පුෂ්පරාංගනී පල්ලෙබැද්ද
ඉතිරිය කියවන්න . . . . .
මාර්තු 11 වෙනිදා සෙත්මිණ කලාපය ඔබගේ ලඟම වෙළෙඳ නියෝජිතයාගෙන් අදම වෙන් කරවා ගන්න.
0 comments:
Post a Comment