728x90 AdSpace

  • නවතම පුවත්

    2015-04-08

    2015 බක් මහ රහස


    අප්‍රේල් මස 14 වැනිදා පස්වරු 1.47ට සූර්යා මීන රාශි­යෙන් මේෂ රාශි­යට සම්ප්‍රාප්ත වෙමින් නව වසර උදා වේ. ඒ මොහො­තේදී නැඟෙ­න­හිර ක්ෂිති­ජයේ සඳු හිමි කටක ලග්නය උදා වී පවතී.
    බෝස­තුන් උපන් කටක ලග්න­යෙන් නව වසර උදා වෙද්දී එකී ලග්නා­ධි­ප­තිගේ දස වන දෘෂ්ටිය ලග්න­යට එල්ල වී ලග්නය බල­වත් වන්නේ ය. ඒ සම­ඟම ලග්නයේ ගුරු ග්‍රහයා තැන්පත් වී සිටීම තත්කාල ලග්නය තව­දු­ර­ටත් බල­වත් වෙයි. නව හින්දු සිංහල අවු­රුදු උදා­වත් සමඟ කිසි­යම් දෝෂ­යක් තිබු­ණත් ඒ භංග කිරීමේ බල­යක් ගුරු ග්‍රහයා ලග්නයේ පිහි­ටී­මෙන් ඇති වන්නේ ය.

    රටේ නව සංව­ර්ධ­න­යක් ඇරඹේ. යෝධ කර්මාන්ත ව්‍යාපෘති බිහි කර දීම පම­ණක් නොව සත්ත්ව පාල­න­යෙන් මෙන්ම කෘෂි කර්මා­න්ත­යෙන් රට සමෘ­ද්ධි­මත් වී ජනතා පැතුම් ඉටු කර දීමට ඉව­හල් වේ.
    කටක ලග්නයේ යෝග­කා­ර­කයා වන කුජ විශ්ණු ස්ථාන­යක් වන දහ වැන්නේත් ලක්ෂ්මි ස්ථාන­යක් වන පස්වැ­න්නේත් අධි­ප­තියා ලෙස දහ­වැන්නේ සිටින මොහො­තේදී වසර ලබයි. යෝග­කා­රක කුජ එසේ බල­වත්ව දිග් බල­යෙන්ද යුතුව තැන්පත් ව සිටී. රවි ද බල­වත්ව එහිම සිටී. මේ ග්‍රහ­යින් නිසා පොලි­සිය හා ත්‍රිවිධ හමු­දාවේ සාමා­ජි­කයා නිර්භී­තව ඉහළ නැංවෙනු ඇත. ප්‍රශං­සා­වට ලක්වන අවස්ථා උදා­ක­රයි. අව­දා­න­මට ලක්වූ ජීවිත බේරා ගැනීමේ වීර ක්‍රියා මීට හේතු වේ.

    අවු­රුදු උදාව ශුද්ධ මන්දි­ර­යක් කර­මින් 6,8,12 යන ත්‍රික­ස්ථා­නය ශුද්ධ කර ඇත. මේ අනුව සුබ පල දෙන වර්ෂ­යක් වේ. 1, 4,7,10 ස්ථාන ගුරු, ශනි, සඳු සහ රවි කුජ යන ග්‍රහ­යින් එකි­නෙ­කාට චතු­ර­ස්‍රව පිහිටා ඇත. මෙහිදී 8 වැන්න අධි­ප­තියා වන සෙන­සුරු තත්කාල ලග්න කුණ්ඩ­ලියේ ශ්‍රී ලංකා භූමිය නිවේ­ද­නය සිව්වැන්නේ වක්‍ර ගම­නින් ගෝච­රව සිටී‍.
    මේ බල­පෑම හේතු­වෙන් කාල­ගු­ණික මෙන්ම දේශ­ගු­ණික විප­ර්යාස වීමේ පසු­බි­මක් නිර්මා­ණය කළ හැක. අප්‍රේල් 25 දා රවි ග්‍රහයා තමාගේ අති උච්ච අංශ­කය වන මේෂයේ අංශක දහය පසු­ක­රනු ලබන්නේ ය. ඉන් පසු තමා‍ගේම නීච භව‍නය කරා ගමන් කරන අව­රෝ­හණ ග්‍රහයා බවට පත් වන්නේ ය.

    මේ නිසා ගිනි විපත්,ජන විපත්,හදිසි අන­තුරු අන­පේ­ක්ෂිත අයු­රින් මතු කළ හැක.එමෙන්ම ගොඩ­නැ­ගිලි ආදිය කඩා බිඳ දැමීම වැනි තත්ත්ව­යන් ස්වභා­වික මෙන්ම මනුෂ්‍ය ක්‍රියා­ක­ර­කම් නිසා ද සිදු විය හැකි ය. දේශ­ගු­ණික මෙන්ම සමත් ක්‍රියා­ක­ර­කම් නිසා ජන­තා­වගේ ධනෝ­පා­යන මාර්ග ඇහිරී යාමේ තත්ත්ව­යක් නිසා ජනතා අස­හ­න­යක් ඇති වීමට ද පුළු­වන. තරුණ මත කැළ­ඹිලි,උද්ඝෝ­ෂණ,විරෝ­ධතා ආදිය ගොඩ­නැගී සාමාන්‍ය ජන­තාව ඒවාට මැදි වී දෛනික ජීවි­තය දැඩි අප­හ­සු­තා­වට ලක්විය හැක.

    ජන්ම පත්‍ර­ව­ලට අදා­ළව අය­හ­පත් දශා මෙන්ම පීඩා­කාරී ග්‍රහ ගෝච­ර­යන්ට ලක්ව සිටිනේ නම් පුද්ග­ලික අපේ­ක්ෂා­වන් සළසා ගැනී­මට තම තමන් වග­බලා ගත යුතු ය. අප්‍රේල් 25 ඇර­ඹෙන රාහු අව­රෝ­හ­ණය අව­සන් වන්නේ 11යි 17 දා රවි වෘශ්චික රාශි ගත­වී­මෙන් පසුව ය.

    මේ කාල සීමාව ශ්‍රී ලංකා­වට ප්‍රබල අසී­රු­තා­ව­යන් ගෙන දිය හැක.එම වෙන­ස්වීම්වලට නම්‍ය­ශීලී නොවුන හොත් එම අව­ස්ථා­ව­ලදී තර්ජන ගර්ජන බිහි­සුණු ක්‍රියා මතු­විය හැක. ඒ තුළින් එම ප්‍රදේශ පුරා විරෝ­ධතා උද්ගෝ­ෂණ දියත් වී සාමාන්‍ය දෛනික ජන ජීවි­තය අවුල් කළ හැක.
    අශුභ ඒරා­ශ්ඨක මාරක බාධක ග්‍රහ දශා ගෙවන අයෙ­කුට එම ස්ථාන­වල ගැව­සීම පවා අව­දා­නම් වනු ඇත.මේ තත්ත්වය වට­හා‍ ­ගෙන තම ආර­ක්ෂාව තමා විසින්ම සළසා ගෙන නිහඬ වීම සුදුසු ය.

    මේෂ
    තම ජීවි­තය අභි­වෘ­ද්ධි­මත් ස්වභා­ව­ය­කට පත් කර ගැනී­මට අත්වැ­ලක් බඳු වර්ෂ­යක් උදා වේ.නමුත් අධ්‍යා­ප­න­යට අව­හිර ඇති වන බැවින් කල්ප­නා­කාරී වන්න.අන­වශ්‍ය අයු­රින් ප්‍රේම සබ­ඳතා පැවැ­ත්වී­මත් අන්ත­වාදී කට­යුතු ආදී පරි­බා­හිර කට­යුතු වලත් නිරත වීම නුසු­දුසු ය.වැටීම් තැලීම් ආදිය ඇති විය හැකි බැවින් කල්ප­නා­කාරී වන්න.

    වෘෂභ
    ජීවි­තයේ බොහෝ පරි­ව­ර්තන ඇති විය හැක.රැකියා වෙන­ස්වීම් ස්ථාන මාරු මෙන්ම විවිධ ධනෝ­පාය මාර්ග කෙරෙහි සිත ඇදී යාම ද පවතී.බොහෝ විට ප්‍රේම සම්බ­න්ධතා පවා වෙනස් වීම් වලට ලක්වීමේ ප්‍රව­න­තා­ව­යක් ඇත.අභි­යෝග රැස­කට මුහුණ දුන්න ද දැඩි උත්සා­හ­යෙන් සියලු කට­යුතු ඉටු­ක­ර­ගත හැකි වර්ෂ­යක් ද වනු ඇත. හදිසි කර­දර සිදු විය හැක. පාර මාරු වීමේදී පරි­ස්සම් වන්න.

    මිථුන
    හිරි­හැර මග­හැරී යයි. ප්‍රබල සතුරු පීඩා සම­නය වීම ආරම්භ වෙයි. සතුරු බල­වේග පරා­ජය වෙයි. පසු­බට නොවී නොබි­යව ඔබගේ සුපු­රුදු දෛනික කට­යු­තු­වල යෙදී­මට මාන­සි­ක­ත්වය සකසා ගත යුතුය. එහෙත් ශාරී­රික වශ­යෙන් ආහාර අරු­චිය මත ආමාශ ගත පීඩා මතු කළ හැක. නිතර සුළු ආහාර වර්ග ගනි­මින් ශාරී­රික සම­තු­ලි­ත­තා­වය රැක ගැනී­මට සිතට ගන්න.

    කටක
    සුබ පල ලබන වර්ෂ­යකි. රැකි­යා­වක නියුතු නම් වැය පක්ෂය අඩු වීම නිසා හෝ ඔබගේ ආර්ථි­කය ශක්ති­මත් කිරීමේ ක්‍රම­යක් ඇති වේ. ව්‍යාපා­රි­ක­යෙකු නම් අලෙ­විය වැඩි කර ගැනී­මට පසු­බිම සැකසේ. වන්දනා ගමන්, පවුලේ උත්සව ආදි­යට සහ­භාගී වීමට සිදු විය හැක. මාන­සික සම­බ­ර­තා­වය රැක ගත හැකි අතර තෙහෙ­ට්ටුව මත ඇති විය හැකි ශාරී­රික අප­හ­සුතා පිළි­බඳ කල්ප­නා­කාරී විය යුතුය.

    සිංහ
    මහළු අයෙ­කු­ගෙන් යමක් ලැබෙනු ඇත. සුළු දෙයක් වුවද එය මතු ජීවි­ත­ය­ටම වැද­ගත් වන ස්ථිර­සාර දෙයකි. ඔබ කිසි­යම් කර්මා­න්ත­යක්  පව­ත්වා­ගෙන යන්නේ නම් ඊට අවශ්‍ය යන්ත්‍ර සූත්‍ර, උප­ක­රණ ආදිය නිතැ­තින් ලැබෙනු ඇත. ඔබේ වාහ­න­යට අම­තර කොට­සක් සොයා ගැනී­මට නොහැකි වූයේ නම් එයද පහ­සු­වෙන්ම සොයා ගත හැකි කාල­යකි. සුළු උත්සා­හ­යක් දරා බලන්න.

    කන්‍යා
    මැයි මාස­යෙන් පසු ඔබේ දෛව ග්‍රහ බලය ඉස්මතු වනු ඇත. පසු­ගිය කාලයේ තිබූ සතුරු බල­වේග ක්‍රම­යෙන් දුර්ව­ලව යයි. නමුත් යටි බඩේ උකුල් ඇට ප්‍රදේ­ශ­වල තර­මක් පීඩා තත්ත්ව­යක් මතු කළ හැක. පරි­ස්සම් වන්න.

    තුලා
    ඔබ ගුරු­ව­ර­යෙක් නම් සිසුන් ඉගැ­න්වීම කෙරෙහි ප්‍රස­න්න­තා­ව­යක් දක්වනු ඇත. උප­කා­රක පන්ති­ව­ලින්  ආදා­යම් වර්ධ­නය කර ගත හැකි කාල­යකි. ග්‍රන්ථ­ක­ර­ණ­යට යහ­පත් වේ. දිය­ඇලි, ගංගා ආදියේ ගිලී නෑම අන­තු­රු­දා­ය­කය. අනා­ර­ක්ෂිත ඔරු පාරු ඒදඬු ආදිය ද භාවි­ත­යට සුදුසු නැත.

    වෘශ්චි­ක‍
    ­වි­ශේෂ දියු­ණු­වක් අත්කර ගත හැක. නිවාස ඉඩ­ක­ඩම් දේපල මිලදී ගැනී­මෙන් ලාබ අත්කර ගත හැකි වස­රකි. අඩු­වට ඉඩම් කට්ටි මිලදී ගෙන සුළු සංව­ර්ධ­න­යක් සිදු කර විකි­ණීමේ ව්‍යාපා­ර­ය­කින් ලාබ ලැබිය හැක. තමා සන්තක දේ උරුම හිමි­කම් ආරක්ෂා කර ගැනී­මට විශේෂ උත්සා­හ­යක් දැරිය යුතු වෙයි.

    ධනු
    කර­ගෙන ආ බොහෝ කට­යුතු වෙනස් කර දැමී­මට සිදු වන බව පෙනේ. කොන්ත්‍රාත් කට­යු­තු­ව­ලට අත­ගැ­සීම සුබය. පොලු මුගුරු ගෙන පුද්ග­ල­යන් බහින් බස් වන ස්ථාන­වල ගැව­සීම නුසු­දුසු ය. කෙසේ වෙතත් කරන කට­යු­තු­වල හෝ ස්ථාන­වල මාරු­වක් මේ වසරේ පෙන්වයි.

    මකර
    තම විවේ­කය හා නිද­හස භුක්ති විඳි­මින් රැකි­යාවේ නිරත වීමට බාධා එල්ල  විය හැක. නමුත් තම ජීවි­තය පර­දු­වට තබා අනුන්ගේ ජීවිත ආර­ක්ෂා­වට කිසි­යම් ක්‍රියා­මා­ර්ග­යක් අනු­ග­ම­නය කළ හැක. මෙයින් සුවි­ශේෂී ප්‍රසා­ද­යක් හිමි වනු ඇත. කාල­ත්‍රයා සමඟ බහින් බස් වීමෙන් ඔහු ඔබ හැර දා යාමට ද ඉඩ ඇත.

    කුම්භ
    රැකී රක්ෂා බලා­පො­රොත්තු වූයේ නම් ඒ සඳහා කැඳ­වීම් ලැබෙනු ඇත. රැකි­යා­වක නියුතු වුවද අම­තර රැකි­යා­ව­කට පත්වී­මට ඉඩ තිබේ. මිතුරු මිතු­රි­යන් ඇසුරු කිරී­මේදී කීර්ති නාමය පළුදු වන නොමනා හැසි­රීම් විය හැකි බැවින් කල්ප­නා­කාරී වන්න. ප්‍රබල චිත්ත පීඩා­ව­කට තුඩු දෙන කේලාම් ඕප­දූප චෝද­නා­වක්  ද එල්ල විය හැක. දෛනික කට­යු­තු­ව­ලදී නිර­න්ත­ර­යෙන් පරි­ස්සම් වන්න.

    මීන
    තරග විභාග ආදි­යට ඉදි­රි­පත් වන්නේ නම් විශිෂ්ට සාමාර්ථ ලබා ගත හැකි අතර එයින් ජීවන ගමනේ යම් පරි­ව­ර්ත­න­යක් ද උදා කර ගත හැකි වේ. ස්ත්‍රී පක්ෂය සමඟ විවිධ හැල­හැ­ප්පීම් වීමට ඉඩ ඇති බැවින් ගනු­දෙ­නු­ව­ලදී පරි­ස්සම් වන්න. කය වෙහෙසා වැඩ කිරී­මට සිදු විය හැක. ශාරී­රික තෙහෙ­ට්ටු­වට මුහුණ දීමේ අව­ධා­න­මක් ද පවතී.  පපුවේ සෙම තද­වීම මුල්ක­ර­ගෙන අප­හ­සුතා ගෙන­දිය හැක. ආහා­ර­පාන ස්නානය ආදී ඇව­තුම් පැව­තුම් ආදි­යේදී පරි­ස්සම් වන්න.

    අක්මී­මණ තල­ගහ  විශ්ව­කීර්ති  ඡ්‍යොතිෂ විද්‍යා පණ්ඩිත ශිරෝ­මනී සුරා ශ්‍රී ගුණ­ව­ර්ධන

    • Blogger Comments
    • Facebook Comments

    2 comments:

    1. For those who want to explore desk video games as much as slots, Mr Green is an efficient match. The on line casino 카지노사이트 gaming selection could be very numerous, and contains a lot of digital card and desk games properly as|in addition to} reside on line casino. The character of Mr Green takes you through the site, offering a visible hook and a way of character – although we feel they could have gone a bit overboard with the backstory. On May 26, 1978, when Resorts International on line casino opened for business.

      ReplyDelete
    2. In horizontal milling, the slicing software is mounted horizontally, both instantly on the spindle or on an arbor. Milling operations include aircraft or surface milling, endmilling, facemilling, angle milling, type milling and profiling. Modern CNC machine tools use a CNC program to sequentially take away raw supplies from the workpiece, which is programmed to Cable Knit Sweater Dress guide the machining process. It’s difficult to tell, but it is potential that the way forward for} CNC is already here.

      ReplyDelete

    Item Reviewed: 2015 බක් මහ රහස Rating: 5 Reviewed By: Unknown
    Scroll to Top