මයිල්ස් ෆිලිප්සන් එංගලන්තයේ අති රමණීය පලාතක් වන වින්ඩ්ස්මියර් ප්‍රදේශයේ ජීවත් වූ කොටිපතියෙකු විය.16 වැනි සියවසේ සිටි මොහුට අති විශාල භූමි ප්‍රමාණයෙන් අති විශාල ආදායමක් හිමි විය. එහෙත් මයිල්ස් කිසිදිනක පවතින දේවලින් සැනසෙන කෙනෙකු නොවී ය.ඔහුගේ එකම අරමුණ තම ඉඩම් ප්‍රමාණය තව තවත් වැඩිකර ගැනීමයි.
එහුගේ ඉඩමට යාබදව පිහිටි කුඩා ගොවිපොල ක්රාස්ටර් හා ඩොරති කුක් යුවල සතු විය. ඔවුන්ගේ මුළු සේසතම ඒ කුඩා ගොවිපොළට සීමා විය. ඔවුන් දිවි ගැටගසා ගත්තේ ඉතාම අපහසුවෙනි.ගොවිපොලෙන් ලැබෙන කුඩා ආදායම ඔවුන්ගේ ජීවිතයේ එකම පිහිටයි. මයිල්ස් ෆිලිප්සන්ගේ තන්හාධික ඇස යුවලගේ කුඩා ගොවිපොළ වෙත යොමු වූ අතර තමා තැනීමට සිතා සිටින දැවැන්ත මන්දිරයට සුදුසු තම ස්ථානය මේ ගොවිපොල බව තීරණය කෙළේ ය.ඒ අනුව කුක් යුවල හමුවීමට ගොස් තමා ඒ සඳහා ඔහු මුදලක් ද නියම කෙළේ ය.
එහෙත් කුක් යුවල ඒ යෝජනාව ප්‍රතික්ෂේප කළේ තමන්ට පවතින එකම දේපළ මේ ස්ථානය බව පවසමිනි. එහෙත් නෑ හෝ බෑ වදන් මයිල්ස් ගේ ශබ්ද කෝෂයට ඇතුලත් වී නොතිබිණි.
නත්තල් උදාවිය. මයිල්ස් ෆිලිප්සන් නත්තල සැමරීමට දැවැන්ත සාදයක් පැවැත් වූ අතර ක්රාස්ටර් හා ඩොරතිටත් එම නත්තල් සාදයට ඇරයුමක් ලැබිණි.
නත්තල් සාදය ඉතාම දැවැන්ත එකක් වූ අතර රසවත් කෑම බීමවලින් පිරී ඉතිරී ගිය ආකාරය කුක් යුවලගේ ප්‍රසාදයට හේතු විය. ඔවුන් ද ඉතාම සතුටින් එම ආහාරය කුක් යුවලගේ ප්‍රසාදයට හේතු විය.ඔවුන් ද ඉතාම සතුටින් එම ආහාර භුක්ති වින්දේ ය.
සාදය අතරතුර දී ඔවුන් හමුවීමට පැමිණි ෆිලිප්සන් ඔවුනට රන්මුව බඳුනක් තෑගි කෙළේ ය.කුක් යුවල පුදුමයටත් හා එසේම එබඳු ත්‍යාගයක් ලැබීම මහත් භාග්‍යයක් ලෙස ඔවුහු සැලකූහ.
සාදය නිම වී සියලුදෙනා නිවෙස්වලට ගිය අතර කුක් යුවල ද සතුටු සිතින් නිවෙස් බලා ගියෝ ය.
පසු දා පහන් වී මඳ වේලාවක් යත්ම ආරක්ෂක නිලධාරීන් පිරිසක් කුක් නිවෙසේ දොරට ගසන්නට විය. දොර විවෘත වීමත් සමඟ නිවෙස තුළට පැමිණි ආරක්ෂක නිලධාරීන් විසින් පෙරදින සාදයේ දී කුක් යුවලට ලැබුණු රන් බඳුනත් කුක් යුවලත් අත්අඩංගුවට ගෙන උසාවියට ගෙනයන ලදී.
උසාවියේ විනිසුරු ලෙස කටයුතු කෙළේ මයිලිස් ෆිලිප්සන් වීම කුක් යුවලට සාධාරණයක් සිදුවීම ගැන සිතීම පවා අපහසු විය. මයිකල්ස් ෆිලිප්සන් ට අයත් රන් බඳුනක් කුක් යුවල විසින් සොරකම් කළ බවත් එම අපරාධයට දඬුවම මරණය බවත් උසාවිය තීරණය කරන ලදී.
මේ අසාධාරණ නඩු තීන්දුව තවත් ඉවසා සිටීමට නොහැකි වූ ඩොරති කුක් උසාවිය දෙවනත් කරන මහ හඬින් "උඹ බලාගෙන හිටපන් උඹට බේරෙන්න ලැබෙන්නේ නෑ කිසිම ඉඩමක් නැති තත්ත්වයට උඹ පත්වෙන හැටි බලාගෙන හිටපන් "යනුවෙන් කෑ ගැසුවා ය.එහෙත් ඉන් පලක් නොවී ය.
උසාවි නියෝගය අනුව ක්රාස්ටර් හා ඩොරති කුක් එල්ලා මරනු ලැබී ය.ඊට නොබෝ දිනකින් මයිල්ස් කුක් යුවල සතු කුඩා ගොවිපොල තම ඉඩමට යාකරගත් අතර ඔහුගේ සිහින මන්දිරය එහි තුනීම ද ඇරඹුවේ ය.එය කැල්ගාත් ශාලාව ලෙස හඳුන්වනු ලැබී ය.
කැල්ගාත් ශාලා මන්දිරය අවසන් වූ පසු එම වසරේ නත්තල් සාදය එහි පැවැත්වීමට සියල්ල සංවිධානය කොට මයිලස් තම සියලුම මිතුරන්ට හා හිතවතුනට සාදයට ඇරයුම් කෙළේ ය.නත්තල් සාදය ජයටම පැවැත්වෙද්දී හිටි හැටියේ ම උඩුමහලේ සිටි ෆිලිප්ස්ගේ බිරිඳ බිහිසුණු මරහඬක් නිකුත් කරනු ඇසිණ. සියනුදෙනාම තුෂ්නිම්භූතව බලා සිටිද්දී උඩුමහලේ සිට පහතට එන පඩිපෙළ දිගේ බෙරිහන් දෙමින් පහතට බසින ආකාරය සියලු දෙනා තුළම කුතුහලය හා භීතිය දනවන සුළු විය.
බියකරු සිනහවක් පා‍මින් පඩිපෙළ අසල තබා තිබුණු මිනී හිස්කබල් දෙකක් විය.ෆිලිප්සන්ගේ බිරිඳ මේ හිස්කබල් දැක බයින් ත්‍රස්ත බවට පත් වූයේ ඒවා පණ ඇති සේ දුටු නිසා ය.
මෙය කාගේ හෝ කොලොප්පමක්,විහිලුවක් ලෙස සැලකූ ෆිලිප්සන් එය කල තැනැත්තා කවුරු වුව ද එය නුසුදුසු ක්‍රියාවක් බව පෙන්වා දෙමින් හිස් කබල් දෙක නිවෙසින් එළියට විසි කෙළේ ය.
සාදය තුළ පැවැති සතුට භීතිය බවට පෙරළීම නිසා ආහර ගැනීමෙන් පසු සාදයට පැමිණි අය ඒ මහා මන්දිරයේ කාමරවලට වේලාසනින් ගියේ නිදා ගැනීම සඳහායි.එහෙත් කිසිවෙකුටත් නිදා ගැනීම කළ නොහැකි විය. සාදයේ සිදු වූ අද්භූත සිදුවීම ඔවුන්ගේ සිත් තුළ අවිනිශ්චිත බවක් ඇති කරවන් සුළු විය.
මේ අතර මන්දිරය පුරා පැතිර ගිය නිශ්ශබ්දතාවය දෙපලු කරමින් තවත් කාන්තා බෙරිහන් දීමක් ඇසී කාමරවලින් එළියට ආ අයට දැක ගත හැකි වුයේ පඩි පෙළ අයිනේ ඉහත කී හිස් කබල් දෙකයි.
ඉන් පසු දින දෙකක් ති‍ස්සේ මේ හිස් කබල් දෙක ඉවත් කිරීම සඳහා නොකළ දෙයක් නැත.වරෙක ඒවාවල දැමීම ද කරන ලදී . එහෙත් නැවත හිස් කබල් නිවෙස තුළට පැමිණීම සිදු විය. එම හිස් කබල් කැල්ගැත් මන්දිරයේ සදා කාලික වස්තූන් බවට පත් වීම ෆිලිප්සන් තුළ මානසික මෙන්ම කායික බෙලහීනතාවයක් ඇති කිරීමට සමත් විය.
ඔහු නන්දොඩවන අයෙකුගේ තත්ත්වයට පත් වී අවසානයේ දී රෝගාතුර වී මරුමුවට පත් විය.
මුළු මන්දිරය පුරාම ඉහත කී මිනී හිස් කබල් විසින් නිකුත් කරනු ලබන බියකරු සිනහව පැතිර ගොස් ඇත්තාක්සේ ය. මෙය රාත්‍රිය වන විට දරුණු හඬක් බවට පත් වන්නේ ය. අප්‍රිය ජනක දර්ශනයක් වන මේ මිනී හිස් කබල් නිරතුරුවම මන්දිරයේ දැකිය හැකි විය. විශේෂයෙන්ම නත්තල් දිනවල හා කුක් යුවල එල්ලා මරනු ලැබූ දිනවල සතුකර ගෙන ඇත්තාක් මෙන් විය.
මේ සියලුම සිද්ධීන් සමඟ ෆිලිප්සන්ගේ පවුල මහ මඟට වැටී සිඟමන් ඉල්ලා සිටින තත්ත්වයකට පත්වීමත් සමඟ කැල්ගාත් මන්දිරය විකුණා දැමීමට කටයුතු කරන ලදී. මන්දිරය විකුණා දැමීමත් සමඟ එහි අරක් ගෙන සිටි හිස් කබල් දෙක ද අභිරහස් අයුරින් අතුරුදහන් වී තිබිණ.
රෝහණ ආරියරත්න
0 comments:
Post a Comment